Taalportaal

Taalportaal

Taalwenk: 

Die byvoeglike naamwoord (b.nw)beskryf die selfstandige naamwoord(s.nw)

Bv.Dit is 'n warm dag.

Die b.nw. het ook twee eienskappe  nl. 1. Kan in trappe van vergelyking staan,

bv. warm    warmer   die warmste .          

      Dit is 'n warm dag. 

       Dit is more die warmste dag indie afgelope jaar.

       2. Kan ook in die intensiewe vorm gebruik word.

            Bv.koud........yskoud,breed........hemelsbreed,

             vinnig.......blitsvinnig,dood.......morsdood.

              Ek hou van 'n yskoue koeldrank na oefening.

Taaltoffie:

familie en nie famielie nie,

posisie en nie posiesie nie.

Taalfeit:

Die bekende Afrikaanse digter ,dramaturg,akademikus en Hertzogprys-wenner,ADAM SMALL, sterf kort voor sy 80ste verjaarsdag op 25 Junie 2016.Adam Small en Kaapse Afrikaans (Kaaps) het sinoniem geraak.Hy wend nie net Kaaps doeltreffend in sy werk aan nie,maar lewer ook'n ikoniese bydrae vir Afrikaans as moedertaal en hef die statuur van Kaapse Afrikaans geweldig baie op. Terwyl almal deesdae bekommerd is oor die voortbestaan van ons wondermooie taal,herroep  ons Small se standpunt oor Afrikaans in die DIE BURGER van 13 September 2012: "Ek twyfel nie oor die voortbestaan van Afrikaans nie,solank daar mense is wat Afrikaans praat, sal die taal bestaan."

AFRIKAANS GROET EEN VAN SY GROOT SEUNS.Kom ons bring hulde aan Small deur sommer  al sy gedigte te lees...

Idioom:

Lank in die land wees.....beteken 'n ouer maar baie ervare persoon.

Aanhaling van die week :

"Kies om gaaf te wees,kies om te vergewe...

 Laat jou liefde groei en blink ,sodat mense jou voorbeeld kan sien en GOD verheerlik."

                                                                                                                Victoria Osteen

Met lente alreeds in ons midde,vier ons God se genade om ons te vernuwe en MILDELIK te laat vrugte dra...

Vaste uitdrukking:

...per slot van sake ...bv.Almal is,per slot van sake,afhanklik van God se genade.

Woord van die week:

lentebries... Koel, sagte briesie of windjie.

Week 5:

Taalwenk:

Raadpleeg die Afrikaanse Woordelys en Spelreëls (AWS) vir enige navrae aangaande die spellingreëls van Afrikaans.

 

Taaltoffie:

onmiddellik

interessant

 

Taalfeit:

Die GRA (Genootskap van die Regte Afrikaners) se wapen is na alle waarskynlikheid deur Ds.S J du Toit

ontwerp.Hy is ook die pa van die alombekende Totius ,digter en akademikus.

Ds. S J du Toit het die wapen op 26 Februarie 1876 tydens n buitengewone algemene vergadering voorgelê en is met n paar byvoegings goedgekeur. Dit is daarna in twee groottes gegraveer,en sou op alle GRA-publikasies gebruik word. Van 7 Desember 1877 tot die einde van 1879 het dit op die voorblad van die Afrikaanse Patriot verskyn.

 

Vergelyking:

So honger soos n leeu.

 

Vaste uitdrukking:

"Ten dele ken", beteken dat jy net iets klein weet of verstaan van 'n saak.

 

Woord van die week:

Allerhoogste. Dit beteken dat daar geen wese of persoon bo God die Vader is nie. Hy en Hy alleen is ons Verlosser en ons Redder.

 

Aanhaling van die week:

"Eerlikheid is die eerste hoofstuk in die boek van wysheid...."

 

 

Week vier:

Taalwenk:

'n Immigrant kom die land in, 'n emigrant gaan die land uit.

 

Taaltoffie:

Die meervoudsvorme van woorde wat op 'n -kus (agtervoegsel) eindig, is wisselvorme en lyk as volg in die meervoud: 

  • historikus       historikusse         historici
  • politikus          politikusse           politici
  • chemikus        chemikusse        chemici

 

Taalfeit:

Afrikaans is die jongste taal ter wêreld, maar nieteenstaande die taal met die meeste idiome, vergelykings en woorsdpeling. Ons taal is ongeveer 400 jaar oud en groei steeds. By die veelbesproke TAALMONUMENT in die Paarl staan die volgende geskryf: "Afrikaans... maak hom, praat hom, kry hom lief, leer hom doseer, gaan aan met hom."

 

Vergelyking:

Caster Semenya en Wayde van Niekerk hardloop soos die wind. Dit beteken hulle hardloop BAIE vinnig!

 

Vaste uitdrukking:

Die politici in ons dierbare land, loop nou almal op eiers om mekaar omdat almal nou gaan veg vir hul eie plekkie in die politieke wêreld. Dit beteken hulle is almal versigtig vir mekaar.

 

Woord van die week:

"Onverskrokke"

Byvoorbeeld, Faf de Klerk is 'n onverskrokke rugbyspeler, hy skrik vir niks en niemand nie. 

Onverskrokke beteken dus 'n persoon skrik vir niks en verrig die taak met intense lojaliteit en entoesiasme.

 

Aanhaling van die week:

"Om elke dag te kroon, kos nie geld nie- bloot asem en oë. 'n Nuwe lap oor die bed, 'n bossie vars laventel langs die bad, 'n nuwe struik by die posbus, vars vrugte op die tafel, 'n ander raam om die foto en sommer iets vreemds vir aandete... 

ELKE RUIMTE, ELKE VERBINTENIS, ELKE VERPLIGTING SMAG NA VERANDERING, NA LIG EN VERLOSSING. 

Tot op die laaste dag van ons leeftyd IS GEEN LES KLAAR GELEER NIE, geen tuiste klaar versier nie..."

Nataniël

Taalportaal

Taalwenk:

Geografiese name, soos die name van kontinente, begin met 'n hoofletter, bv. Afrika of Europa, asook Australië.

Taaltoffie:

 Byvoeglike naamwoorde wat op 'n "e" eindig (bv. tevrede), kry meer en mees in die trappe van vergelyking. Bv: tevrede, meer tevrede, die mees tevrede.

Taalfeit:

C. Louis Leipoldt was een van die mees gerekende digters in die Afrikaanse taal. Hy was deel van die Tweede Afrikaanse Taalbeweging en het al op agt jarige ouderdom die lektuur van Nederlandse skrywers bestudeer. Saam met ds. S.J. du Toit, leier van die Afrikaanse Taalbeweging, was hulle deel van die Tweede Taalbeweging en het 'n soort pioenierswerk verrig. C. Louis Leipoldt was 'n wonderlike mens, digter, koskenner, prosaskrywer en een van Afrikaans se grootste dramaturge.

Idioom:

Die idioom 'blou bloed' ('adel'), het sy oorsprong in die middeleeue toe die adel nie gewerk het nie en nie eintlik in die son gekom het nie. Hulle blou are was dus duidelik sigbaar onder hul bleek velle. Die mense het dus gedink die adel het blou bloed.

Vaste uitdrukking:

'n 'Bakkersdosyn' beteken 'dertien'. Bakkers het een brood by hul dosyn (12) bygevoeg, om vervolging ingevolge streng wette oor geknoeiery vry te spring.

Woord van die week:

Tradisie

Aanhaling van die week:

"Geloof maak alle dinge moontlik, liefde maak alles maklik."- Uit 'n gedig van die Taalmonument.

'n Terloopse gedig vir die week:

Onderwysers

Ons bou met meer as staal of steen,

die volkswees wentel om ons heen;

en jare wat ons dien word ryp

in elke kind wat meer begryp.

G.A. Watermeyer

 

 

 

Taalportaal

Taalwenk:

Selfstandige naamwoorde word meestal voorafgegaan deur lidwoorde. Bv. 'n Kind en die kind.

Taaltoffie:

Die trappe van vergelyking van ru en slu is:

ru               ruwer          die ruuste

slu              sluwer         die sluuste

Taalfeit:

Die Taalmonument in die Paarl is ontwerp deur die argitek Jan van Wijk.Die vorm van die Taalmonument stel die groei en ontwikkeling van Afrikaans voor.Die Afrikaanse Taalmonument is op 10 Oktober 1975 onthul.

Idioom:

Die idioom 'Iets uit jou duim suig 'beteken om iets te versin of met ander woorde ,'n leuen te vertel.

Vaste uitdrukking;

Die vaste uitdrukking 'ter herdenking aan ' beteken om iets/iemand se dade of 'n belangrike gebeurtenis in ons Afrikaanse geskiedenis te herdenk.

Woord van die week:

Volkseie 

Aanhaling van die week :

'Die slim man ken al die paaie....die wyse man ken die een regte pad.'C.J. Langenhoven

Taalportaal

Taalwenk:

Samestellings met "-bybel" as laaste deel begin met 'n hoofletter, byvoorbeeld "Familiebybel, Kanselbybel, Kinderbybel". 

Taaltoffie:

Die oortreffende trap van vars is "die varsste".

Taalfeit:

Die eerste Afrikaanse koerant het op 15 Januarie 1876 verskyn en die koerant se naam was "Die Afrikaanse Patriot".

Idioom en betekenis:

"Spekskiet" beteken om te jok.

Aanhaling van die week:

"Liefde is daar of hy is nie daar nie. Dis soos eerlikheid of slegtigheid. Dis daar of nie."- P.G. du Plessis

Vaste uitdrukking:

Die vaste uitdrukking "tot tyd en wyl" beteken voorlopig.

Woord van die week:

Volksmond

Roodies, ons hoop jul almal geniet die Taalportaal! Onthou om julle bydraes te stuur.

AFRIKAANS IS MONUMENTAAL

Laerskool Roodekrans se eie Taalportaal

"As die mens net sou weet dat die lewe 'n teater is... met die beste beligting, bewoording, kleredrag, toewyding, beplanning, betowering... dat 'doodgewoon' eenvoudig noodlottig is. As hy net sou weet." Nataniël

 

Welkom aan ALLE Roodies, leerders, ouers, onnies, oud-onnies, oud-leerders, oumas en oupas en beslis ook vriende van Laerskool Roodekrans. Só tesame met Nataniël se woorde, stel ons Laerskool Roodekrans se eie Taalportaal aan u bekend!

Langer gaan ons nie GINNEGAAP nie- by ROODIES SE TAALPORTAAL gaan julle van interessante woorde, sê-goed, idiome, aanhalings, feite, mense, taal- en spelwenke hoor- ALLES IN AFRIKAANS- natuurlik!

Weeklikse Afrikaanse interessanthede sal op Taalportaal geplaas word. Indien enige iemand 'n snaaksigheid, interessantheid, of belangrike feit oor ons geliefde taal en kultuur op Taalportaal wil deel, stuur gerus vir my u inligting via my e-pos, nl. [email protected]. Foto's, staaltjies en prentjies is ook welkom!

Hierdie is 'n splinternuwe projek wat môre op 1 Augustus 2016 van stapel gestuur word en net nóg 'n groot deel gaan vorm van ons Roodie-kultuur en Roodie-familie. Dus moedig ons u almal aan om aktief deel van Roodies se Taalportaal te wees. Ons ís immers... TROTS AFRIKAANS, én TROTS ROODIES!!

Met woorde en toewyding gaan ons u betower. 

Mariska Visser (Kultuurorganiseerder)